Aizawl September 22, 2022 : Vawiin khan Automobiles Dealer Assocition of Mizoram (ADAM) chuan Traffic Police te hnenah waistcoat uniform 400 an pe. Aizawl SP Conference Hall -ah ADAM Chairman Lalhmangaiha, Zamliana Enterprise (Mahindra Two Wheelers) chuan Traffic SP Rodingliana Chawngthu hneneh a hlan a ni.

He inhlanna hun hi Lawma Enfield neitupa Lalrinchhana Tochhawng chuan a kaihruai a, inhlanna hunah hian Traffic Sr. SP Rodingliana chuan ADAM ten uniform tha tak mai an pe chu lawmthu a sawi a, thawhhona tha tak neih chhunzawm an duh a ti a, ADAM member te chu vehbur an khawn chang pawh pur an chawkna thin an nih thu leh pawl ang ni lovin company ang pawhin Traffic Police te chuan anni ho hnen atang hian thilpek an dawn fo thin thu a sawi a, an lawm thin hle tih a sawi bawk.

ADAM Chairman Lalhmangaiha chuan Traffic Police te chu sawrkar hnathawk zinga thawk tha ber nia an hriat avangin anni puih hi an phur hle tih a sawi. Waistcoat an pek hmasak tum kha Covid-19 len chhoh tan tirh anih avangin an tan thil tih a harsa hle niin a sawi a, chutichungin member ten theihtawp an chhuah avangin an puitlin hram a ti a, Traffic Police te chu an theihtawpa puih an inhuam thu a sawi bawk.

Vawiina ADMA ten waistcoat 400 an pek hi nuai 4 man a ni.