ZALEN, Sept. 15, 2026: Ningani atanga Inrinni thlengin, Aizawl Reebok showroom atanga an thil zawrh a ruala pahnih leite tan 30%-in a man a tlawm dawn a, pathum leh a aia tam lei tan 40%-in a tlawm ang.

American apparel, accessories leh sports equipment brand lar, Reebok chuan Mizoramah bu khuar thar lehin Millennium Centre bul, Zarkawtah showroom an hawng a; January 19, 2026 atangin thawmhnaw leh an thil siam chi hrang hrang an hralh chhuak.

Thla riatnaah company-in official-in an hawng dawn a, Inrinni tlai dar 4-ah NorthEast United FC striker Lalrinzuala Hauhnar chuan ribbon chep chatin a hawng ang.

Hemi denchhen hian ni thum chhung hun bik an buatsaih dawn a, Ninganiah tanin a hawn nan Aizawl City Run Club member 50 chuangin ‘Reebok Run’ neiin zing dar 6-ah an tlan chhuak ang a. Heta tang hian Inrinni tlai thlengin an showroom kawtah T-shirt dawn theihna tur inelna hlimawm huaihawtin zai thiamte an zai dawn bawk.

Aizawl Reebok showroom nghaktute chuan kumin tum tira dawr an hawn tan atangin an inhralh pangngai viau tih an sawi a, a bikin Reebok ngaihlutu kum 35 chin chung lamin an dawr nasa a, official-a showroom hawnna ni thum chhung an hman turah mipui tam zawk koh khawm theih an inbeisei rualin mi zawng zawng an hun buatsaih hmanpui turin an sawm nghal.