Adele chuan kumin chhung ngeiin Las Vegas residency chu neih ngei a tum thu a sawi a, 100% in a chiang a ni, a ti. 
English singer chuan, "Kumina athleng ngei dawn e, a chhan chu kum thar atan ruahmanna ka nei tawh a ni," tiin a sawi a, fa a neih tawh avangin a ruahman chu tih hlawht6lin chhoh zel a ngai tawh tih a sawi. 
Kum 33 mi Adele hian Las Vegas residency a neih tan hma darkar 24 chauh a awm tihin show a kalpui theih loh tur thu mittui tla chungin a lo sawi tawh a nih kha. "Team member chanve zetin covid-19 an kai a, show kaltlangpui theih a ni lo," tiin Instagram-ah video a tarlang a, fan te ngaihhnathiamna a ngen nghal bawk. 
Show atan hian tick pawh hralh chhuah a ni tawh a, Adele hian vawi khat a perform-ah £500,000 zel a hlawh thei dawn. Mahse kum nga hnua live concert a neih leh hmask ber tur chu a thamral ta a, amah pawhin hreawm a tihle a ni - kumin chhunga tih hlawhtlin ngei erawh a tum ruh hle.