DOWNLOAD OUR APP

Read latest news on your phone
app-store

African Champions League-a goal thun tam 8

Apr 12, 2022

African player te hian thahrui an ngah rualin ball an thiam tawk loh vangin football-ah an langsar tawk lo tih ngaihdan nei kan tam awm e. Mahse football ang infiamna rothapah hi chuan ball thiam piah lamah tharum hman ngaihna tam tak a awm ve bawk thin. Tun tumah hian African zinga Champions League-a goal thun tam zual footballer pariat kan en ho dawn a ni.

African player te hian thahrui an ngah rualin ball an thiam tawk loh vangin football-ah an langsar tawk lo tih ngaihdan nei kan tam awm e. Mahse football ang infiamna rothapah hi chuan ball thiam piah lamah tharum hman ngaihna tam tak a awm ve bawk thin. Tun tumah hian African zinga Champions League-a goal thun tam zual footballer pariat kan en ho dawn a ni.
   
7. Vincent Aboubakar

2021 Africa Cup of Nations-a Golden Boot hlawh chhuaktu Aboubakar, African champion hlui hi a kalna apiangah goal a thun a, league a khelhna France, Portugal leh Turkey lamah pawh goal thun kawnga thawhhlawk tak a ni. Kum 30 mi Aboubakar hian FC Porto leh Besiktas tan UCL goal 14 a khung tawh. 

6. Seydou Doumbia leh Pierre-Emerick Aubameyang

Ivory Coast forward Doumbia hi he list-a hming lang zingah chuan mi hriat a hlawh lo ber maithei. 2015 kuma Africa Cup of Nations chawi tawhtu Aboubakar hian Europe mingo defender ho pawh a bum kual thiam tih a lantir fo tawh bawk. CSKA Moscow, FC Basel leh Sporting Lisbon lama a khelh chhungin UCL goal 15 a thun. 

Pierre-Emerick Aubameyang leh Doumbia te goal thun zat hi inang chiahin UCL goal 15 a thun a, Aubameyang-a hi a club khelhna ten an zir loh vangin Champions League a khel tam tawk lo. Borussia Dortmund leh Arsenal tana a khelh lai hun tam zawkah a team ten Champions League an khelh phak loh vangin goal a thun tam tawk lo. Catalan lama a luh hnu hian UCL mai ni lovin La Liga lamah pawh goal a thun chho nual turah ngai ang.

5. Riyad Mahrez

UCL goal 16 a nei tawh a, a la thun belh zel turah beisei ang. Mahrez hian Premier League club Leicester City tan a khel tawh bakah tun season UCL lama beisei la nei Manchester City tan a khel mek bawk. Mahrez hian Premier League title pathum leh Afcon title a chawi tawh a ni.

4. Sadio Mane

Sadio Mane-a UCL goal 22 zinga a goal 13 te hi UCL knockout stage-a a thun te an ni. 2017-18 season atanga chhiar phei chuan Lionel Messi aiin a thun tam tawh zawk. He forward hian Liverpool-in Champions League final an luhtum hnih theihna kawngah a thawh hlawk hle a. 

3. Samuel Eto’o

African player zinga hriat hlawh ber pakhat Samuel Eto hian UCL goal 33 thun tawhin Champions League nomawi pawh tum thum zet a chawi tawh. Kum 2006 leh 2009-a Barcelona an champion tum khan goal a khung ve ve a, Italy lamah kal lehin Internazionale a zawm hnuah Champions League trophy a chawi leh bawk. 

2. Mohamed Salah

A ni pawh hi UCL final-a goal thun thei zing ami a ni a, kum 2019-a Liverpool-in Tottenham Hotspur final-a an hneh tum khan Salah hian goal a khung. Kum 2018 khan UCL game pawimawh an khelh tumin Egypt forward hi Sergio Ramos-a'n na takin a hliam. Salah hian UCL-ah goal 36 thun tawhin tun season-ah pawh hian goal thun belhna a chance ala nei.

1. Didier Drogba

2012 Champions League final-a a chet dan ropui tak vanga fak hlawh Drogba hian hemi kum UCL final hian an si phurh sutna goal a ti lut a, Bayern Munich nen hian penalty petin Chelsea chu an chak zui. Chelsea, Olympique de Marseille leh Galatasaray tana khel tawh Drogba hian Champions League-ah goal 44 a thun tawh a ni.

Share now