Aizawl: Agriculture Minister C. Lalrinsanga chuan Zirtawpni khan a bial chhung Bungtlang a tlawh a, vantlang inkhawmah thu sawiin ei leh bara Mizoram a intodelh theih nan theihtawp a chhuah dawn tih a sawi. Agriculture Minister hian Bungtlang Community Hall-a vantlang inkhawmah thu sawiin a enkawl Department hnuaia hma a lakna turah ei leh bara Mizoram a intodelh theih nan Department hotute nen ruahmanna thar siamin foreign lam thlenga sum dap turin hma an la dawn tih a sawi a. Ram hmasawnna hnathawk thei tura Lunglei West bial mipuiten amah an vote tling chu lawmawm a tih thu a sawi a, tuna Mizoram tibuaitu zu zawrh chu zawi zawiin dan angin tihtawp chhoh a ni dawn nia sawiin, MNF chu Nationalism party a nih angin hnam dinchhuahna tur tak tak nei turin hma an la dawn tih a sawi bawk.