ZALEN September 30, 2026: New Delhi-a cham mek Agriculture and Farmers Welfare Department Minister PC Vanlalruata’n Mizoram tan central scheme aṭangin sum sanction cheng vaibelchhe 75.79 a dawng.

Agriculture & Farmers' Welfare Minister PC Vanlalruata chuan nimin September 29 khan New Delhi-a National Conference on Rabi Campaign neihah a tel a. Union Agriculture Minister Shivraj Singh Chouhan chuan PC Vanlalruata hnenah central scheme aṭanga sum sanction cheng vaibelchhe 75.79 a hlan.

Conference hi sawrkar laipui Ministry of Agriculture & Farmers' Welfare buatsaih niin, Rabi crops (thlasik thlai) chungchanga hmalakna kal mek te leh hmachhawp te thlir hona programme a ni a. Union Minister chuan A&FW Minister PC Vanlalruata hnenah hian RKVY (Rashtriya Krishi Vikas Yojana) scheme pawisa cheng vaibelchhe 27.84 leh KY (Krishonnati Yojana) scheme pawisa cheng vaibelchhe 47.95 release order a hlan a, a vai belkhawmin cheng vaibelchhe 75.79 a tling a ni.