March 6, 2024; Sawrkar hnathawk aikal la department tin ten an report danin, mi 3365 an awm.

Assembly budget session neih mek a memberte zawhna chhangin Department of Personnel & Administrative Reforms (DP&AR) changtu home minister ni bawk K. Sapdanga chuan sawrkar hnathawk aikal late chungchang a hmalak dan tur sawrkarin a ngaihtuah mek tih a tarlang.

Mizoram sawrkar chuan department hrang hrang a aikal late leh an lak chhante thehluh hun atan 5.1.24 thleng a lo bituk tawh a ni.

Hemi chungchangah hian DP&AR chuan December ni 29, 2023 khan hriattirna a tichhuak a, sawrkar hnathawkin aikal an lak chu Cental Civil Services (Conduct) Rules, 1964 bawhchhiatna leh dan kalh a nih avangin sawrkarin a ngai thutak hle tih tarlan a ni.

Aikal la, sawrkar hriattirna anga ti lote chungah khauh taka hmalak a nih tur thu DP&AR chuan a tarlang a, hriattirna a tihchhuah form ah, aikal an lak chhante, an aikal lakte qualification te leh hlawh an pek zat etc. te tarlan tur a ni.