Aizawl March 27, 2024 : Ace Business Group leh BR Studio te buatsaihin April 12, 2024 hian South Korean Boy band Blitzers chuan LPS Arena, Falkland -ah concert an rawn nei dawn a, Pink Box Entertainment, New Delhi te chu he band India rama chahlut tur hian an thawhpui a ni.

WUZO Entertainment ten an din Blitzers te hi May 12, 2021 atanga khan mipui hmaah an inlan tan a, a tirah chuan member pasarin niin tunah chuan paruk chiah an ni tawh a, Jinhwa, Juhan, Sya, Chris, Lutan leh Wooju te chu member ni lai niin Go_U chuan taksa lam harsatna avangin January 2024 khan a chhuahsan a ni.

Blitzers te hian K Global Heart Dream Awards leh Asia Artist Awards te pawh an lo dawng tawh a, 2022 khan US leh European tour te an nei tawh a, tun hi India rama an rawn kal hmasak ber na tur niin Ep hi pathum an tichhuak tawh a, single album pahnih Bobboin leh Macareana te an lo tichhuak tawh. An hla panga ngawt film pangnga-ah OST atana an hmang tawh bawk a ni.

Tun tuma concert ticket hi Triket.in a lei theih a ni tawh a, ticket man hi Rs 700 atanga intanin, 1,800 man leh 2,500 bakah Rs. 5,000 man thlengin a awm a, Exclusive Fan Meet package chi hnih a awm bawk a, hei hi Rs 6,000 man niin Blitzers te nen inkawmna hun an nei thei ang a, thla an lakpui ang a, concert pass an dawng thei ang. Fan Meet package pahnihnaah chuan A chunga mi te bakah hian an poster an hming ziah hnan an pe bawk ang. Hei bik hi chu fans ruhkawl tana bik a tih a ni.