March 5, 2024; Lirthei intlanchhawk avangin lirthei a pun chak phah leh phah looh zirchianna neih a la ni ngai lo.

Vawiin Mizoram Legislative Assembly Budget Session a zawhna leh chhanna hunah H. Ginzalala zawhna chhangin, Transport minister chuan, Aizawl khawpui chhunga motor intlanchhawkin kan ram economy ah a tha lo zawnga nghawng a neih dan chu transport department atang chuan zir chianna a la awm lo a, tun dinhmunah zir chiangtu tur pawh ruat a la ni lo.

Transport minister tarlan danin, lirthei intlanchhawk hman a nih hma kum 6 (2011-2012 atanga 2016-17) chhung a lirthei registered zat 60,416 a nih laiin, intlanchhawk hman a nih hnu kum 6 (2017-18 atanga 2022-23) chhung a lirthei registered thar zat chu 1,26,697 a tling.