Aizawl January 19, 2023: Chief Minister Zoramthanga hovin vawiin  khan Aizawl District Deputy Commissioner Office sak that dan tur chungchang sawiho a ni a, rawtna awm tawh te sawiho a nih hnuah Cabinet meeting thutlukna siam turah dah a ni.

CM Cabinet Meeting Room-a meeting neih ah hian December ni 17, 2021-a kangmei chhuak avanga chhe hneh tak DC Office (Pisapui), heritage building a puan ni bawk sak that dan tur sawiho a ni. Helai hmun sak that dan tur rawtna hrang hrang awmte chu an thlirho a, nakin hun thlir chungin INTACH lamin rawtna an lo thlen leh mamawh dan te ngaihtuah niin hmalak dan tur te sawiho a ni a. Cabinet meeting in a ngaihtuahzawm turin thu tihtluk a ni.

Meeting-ah hian Adviser to CM (Technical) Er. (Rtd.) K. Lalsawmvela, Secretary to CM K. Lalthawmmawia, Public Works Department hotute leh Aizawl DC leh staff te an tel a ni.