Aizawl August 27, 2024 : Congress chuan tuna ZPM Chief Minister Laduhoma hian ZPM a sawrkar chuan kawng tlo lo hi a tlo nghal vek dawn tiiin vawi tam tak campain naah a sawi thin a. Party dangten sawrkarna an chan laiin a bik takin Aizawl khawpui chhung kawngpui hi tun ang hian a chhe ngai lo, an ti.

"Aizawl khawpui chhungah raipuar leh damlo, emergency a phurh ngam an ni tawh lo te hi sawrkar inthlahsah vang liai liau a ni a. ZPM-an sawrkar hnuah thal laia inbuatsaihna hun zau tak a awm chhunga kawngpui thawm that hna an thawh duh lo leh a thawm that thenkhat pawh a beitham lutuk hi Congress Party chuan mak a tiin PWD Minister a dem takzet a ni," an ti

MPCC chuan Mizoram hmun hrang hrangah kawng chhe lutuk avangin mipuite chak laknaah harsatna nasa tak an tawk mek a, Mizotam ei leh bar chawk luhna ber Silchar-Aizawl road te pawh bungraw phur motor te an rawn kal duh tawh lovang tih hlauhawm khawpin a chhia an ti.

Congress Party chuan, "Khaw tamtakah Maxicab te kawngpui a chhiat avanga an service duh lo leh kawng a chhiat avanga School naupangten kawng an zawh ta hial hi sawrkar mualphona a ni tih hre nawn a. A rang thei ang bera hma la nghal turin PWD Minister hi kan phut tlat a. Chuanlam tur zawng ringawt leh insawifiah reng ringawt lovin, hna tak tak thawk tan tawh turin kan duh a ni," an ti bawk.