December 11, 2023; Kum 1950 china Aizawla inbengbel tawh, an thlah kal zel ten pawl an din, Aizawl Mihlun Thlahte chuan Krismas lo thleng tur puala luanchhuahna an nei a, an member ten an thawhkhawm atanga an hmuh cheng nuai 3 chu home leh damdawi inah tangka faiin an semchhuak.

Luanchhuahna an neihna hmun te chu Zuangtui a T.N.T, Tuikual South a The Salvation Army Motherless Babies Home, Durtlang North a Jeriko Khualbuk, Chawlhhmun a Agape Institute, Zarkawt a SHALOM, Rangvamual a Life Centre leh Aizawl Civil Hospital Poor Fund tan a ni.

Aizawl Mihlun Thlahte hi kum 2017 a an indin atangin kum tin Krismas luanchhuahna hi an pawl rorelna sang HIGH COUNCIL thuchhuak anga kalpui thin a ni a. Tunah hian mi 1,000 chuang an pawl ah hian an inziaklut.