Aizawl May 23, 2023 : New Market Bawngsa Zuar Multipurpose Co-Operative Society te chuan Facebook lama Bawngsa rate tlawm taka zuar thin an awm chu mak an ti a, Endikna paltlang lovah an ngai a, mipui tan a thianghlim tawk loh an hlau.

New Market Bawngsa zuar te chuan Facebook a bawngsa tlawm taka an zawrh chu a thianghlim tawk em tih chu an zawhna a nih thu an sawi a, heng Bawngsa te hi Vety lam thuneitu, Doctor te endikna hnuaia talh ni lovin an hre bawk. New Market Bawngsa Zuar Multipurpose Co-Operative Society Limited President F. Vanlalbela chuan, "Slaughter House-a endikna nen thlapa talh chu ni se, kan hria ang. He hmuna talh leh endik anih loh avanga hian a thianghlim leh hlim loh hi a hriat loh a ni," a ti. Mipui ten Bawngsa thianghlim lo an ei an hlauh thu a sawi bawk.

Aizawl bazar lian bera bawngsa zuar te chuan an bawng chu talh a nih hma hauhin a him leh him loh endik tek a ni tih an sawi a, talh hnua a kawchhung lama fel tawk lo a lo awm a nih chuan hralh phalsak an nih ngai lo, an ti a, Endikna tluantling paltlang lo chu an zawrh ngaih loh thu an sawi bawk.

Facebook-a Bawngsa an zawrh te hi Champhai lam atanga rawn kal nia an hriat thu an sawi a, hetiang man tlawm taka Bawngsa te hi an rawn thawn thei an awm anih chuan a thawntu hi Bawng man tlawm zawka pe turin an ngen a, rate tlawma hralh chu anni pawhin an duh tih Chanchinthar lakhawmtute an hrilh.