ZALEN September 26, 2026: Aizawl Traffic Police chuan nizan dar 9:00 atanga tukin khawvar dawn thlengin Aizawl khawpui chhung hmun 10-ah zan special drive an kalpui a, dan bawhchhia mi 54 an man.

An man zingah hian driving licence neilo lirthei khalh mi 15, helmet khumlo two wheeler khalh pathum, tlan phalloh zawnga lirthei khalh 16, rui chunga lirthei khalh paruk, two wheeler-a phalchin aia tam inphur pathum, lirthei ri bengchheng pakhat leh dan bawhchhiatna dang avanga man mi 10 te an ni.

Aizawl Traffic Police chuan lirthei neitute leh khalhtute chu lirthei hman leh enkawl danah fimkhur turin an ngen a. Duty awm remchan lohna hmuna dan bawhchhiatna thlengte chu Traffic Control Room, 9366553559 emaw 0389-2313061-ah hriattir theih a ni an ti.