ZALEN, Sept. 10, 2026: Lalhruaitluanga Sailo chuan India tennis-ah hnuhma duhawm hnutchhiah zui zelin All India Tennis Association Challenger Series 7 (Under 14)-ah a champion leh.

Karnataka State Lawn Tennis Association-in a buatsaih inelna hi Murugan Academy Of Tennis, Bengaluru-ah Inrinni atang khan khelh tan niin Seeded No. 3 Hruaitluanga hian Ningania final-ah Aegan Balakumar,Tamil Nadu lakah 6-4, 6-2-a hnehna changin nomawi ala a nio.

Zonuam veng, Aizawl rawlthar hi May thla pawh khan Guwahati-a All Assam Tennis Association buatsaih All India Tennis Association Challenger Series 7 (Under 14)-ah a lo champion tawh bawk a ni.

Under 14 Boys-a All India Rank-a No. 128 ni mek, Hruaitluanga hi Rohan Bopanna Tennis Academy leh The Sports School, Bengaluru-a training nei niin Under 12-ah pawh national level-ah maltan leh doubles-ah a lo champion tawh thin bawk.

Mizoram Tennis Association (MTA) chuan Hruaitluanga hi an lawmpuiin an chhuang tak zet tih an sawi a, Mizoram tihmingṭha zel turin duhsakna an hlan nghal.