ZALEN May 17, 2026 : Amawii Hero chuan niminah khan a tum li nan Amawii Hero Monsoon Challenge, Kolasib Khuangpuilam field-ah a buatsaih a, district hrang hrang atangin racer thahnem tak an tel.

He hun ah hian Upa K. Lalengzama, Laipuitlang chuan hunserh hmangin, Jerome Lalbiakdika (DTO, Kolasib) hnen aṭangin MV traffic rules chungchang te, traffic manners chungchang leh Amawii Hero Monsoon Challenge a ngaihhlut thu te ngaihthlak a ni.

Inrinnia Khuangpuilam-a Amawii Hero Monsoon Challenge buatsaihah hian category hrang hrang - One Make Race Class, Expert Class, Novice Class, Rookie Class leh Kolasib Local Class te awmin inelna huaihawt a ni a; moto sports lama tui Mizo thalai tel an thahnem hle.

Amawii Hero Monsoon Challenge hi kum 2023 khan Thenzawl-ah ropui taka bul țan a ni a. Hemi hnu hian hmasawnna hrang hrang nen Tuirial Airfield leh Champhai lamah te hlawhtling taka buatsaih chhunzawm a lo ni tawh a ni. Organiser-te chuan Monsoon Challenge hi kum tin District hrang hrangah kal pui zel turin an ruahman a ni.

Khuangpuilam Field, Kolasib-ah hian rider te ṭawiawmtu hmun hrang hrang aṭangin mi ṭhahnem tak an pungkhawm a, hun hlimawm tak hman a ni. Khuangpuilam, Kolasib mipui te chungah an lawm hle a ni tih Amawii Hero Event Organizers te chuan an sawi.

Amawii hero Monsoon Challenge 4.0 lawmmawn dawngtute:

One Make Race Class

1.Lahruaitluanga(Sakawrtuichhun,Aizawl)

2.C Vanlalduhsaka(Siaha)

3.R.Roluahpuia(Republic Veng,Aizawl)

Expert Class

1. B Laruatsanga(Salem Veng)

2. C Vanlalduhsaka(Siaha)

3. Samuel Larinsanga(Siaha)

Novice Class

1. Dennis Latleipuia(Kolasib)

2. Lawmsangzuala(Salem Veng, Aizawl)

3. Marcus Vanlalsiama(Chaltlang, Aizawl)

Rookie Class

1. MS Dawngliana(Kolasib)

2. R Lalkhawngaiha(Kolasib)

3. Ngurhmingliana(Champhai)

Kolasib Local Class

1. R. Lalkhawngaiha

2. Dennis Laltleipuia

3. MS Dawngliana