ZALEN September 28, 2026 : UD&PA-in SASCI loan atanga Composite Work Drain siamna tur Aizawl Municipal Corporation hnena cheng Vbc 5 (Rs. 5 Crores) a pek sem zai dan chungchangah AMC Ward XIX Corporator Dr Lalmalsawma Nghaka leh Ward IX Corporator B. Lalawmpuii ten UD&PA Minister K Sapdanga chu vawiin khan a pisaah an hmu a, Ward XIX leh Ward IX te tana sum dah an ni ve lo chu hriatthiam harsa an tih thute, AMC kal tawhah thil la thleng lo anih thu an thlen.

Ward XIX bik hi cyclone Remal avanga harsatna tuar nasa ber an nih avangin hmasawnna hna thawh an mamawh nasa hle tih Dr Mala chuan a sawi a, SASCI sum hi loan a nih avangin mipuiten an la rulh leh tur a nih thu leh, chumi rultu tur zingah pawh Ward XIX leh Ward IX mipuite hi an tel thu a sawi a ni.

Corporator pahnih chuan Ward Fund pawn lam atanga sum lo lut bak hi chu rulling worker te thawh thin tur tho a ngaih a ni a, Corporator an nihna anga an duh ber chu an ward chhunga development hna lo lut hi niin, tu pawhin thawk se, hna a tha a nih chuan an duhtawk thu an sawi bawk a. Ward-ah sum lut ve ta lo chu ward mipuite tan a hrilhhaithlak bakah ward mipuite zahawm an tih thu an thlen bawk a. Hetiang hi a thlen tawh lohna tura hmala turin UD&PA Minister K. Sapdanga chu an ngen nghal a ni.

Composite Works Drain 5 crore UD& PA-in AMC an pek atang Ward a an semdarh dan chu hetiang hi a ni.

ZPM Coporator bial ah nuai 20 theuh

Executive Corporator 3 te ward, ward -III, XIII, XVIII-ah nuai 30 theuh

Dy Mayor bial Ward XVI - Nuai 64

Executive corporator 1 bial Ward VIII - Nuai 61

Mayor bial Ward VI - Nuai 50

Ward X (Special?) - Nuai 15

Ward IX - nil

Ward XIX - nil

Opposition Corporator pahnih te chuan hetianga AMC ward huam chhung a hlei nei taka rorel hi dik lo an ti thu leh Kalphungthar ah rualkhai taka Kalphung tha tak a rorel tawh tura an phut thu an sawi.