Aizawl April 16, 2024 : All Mizoram Car Rental Association (AMCRA) chuan April 4, 2024 (Ningani) zana Assembly an neiha Press Release an siam chungchangah thil an sawifiah a, vawiin April 16, 2024 (Thawhlehni) khan Press Conference an nei a, Adviser to Chief Minister TBC Lalvenchhunga leh SCERT Deputy Director Florence Lalrinpuii bakah ZPM lakah ngaihdam an dil.

AMCRA chuan, "All Mizoram Car Rental Association in kan thil nawrna chungchangah hian thil hriatsual a awm avangin TBC Lalvenchhunga, MLA (Adviser to Chief Minister) leh Florence Lalrinpuii (SCERT) Deputy Director te, ZPM party te, pawi kan sawi a ni tih kan hria a, keini AMCRA chuan pawi kan ti tak zet a ni. Hemi chungchangah hian thiamlohna emaw inhnamhnawihna an neilo tih mipuite lo hriat turin puanzarna kan rawn nei a ni," an ti.

"Pu TBC Lalvenchhunga kan MLA zahawm tak hi inrawlhna a nei miahlo tih kan hria a, hetianga dawta kan puh a ZPM Party tihmingchhe tu hial anga kan sawi kha kan tih dik lo zawk ni. A ni hi Party tana mi tangkai leh party tana mi hlu tak a ni a, hetianga kan puh hi kan thiam loh tak meuh a ni," an ti bawk.

Resolution an siam leh Press Release thu kal zelah Aizawl DC Nazuk Kumar, IAS-in AMCRA Office Bearers te hi kova, chutah chuan thil chỉ hrang hrang an harsatna leh buainate a zawh angin sawifiahna hunte an nei a ni. A ni pawhin an harsatna an thlen chu awm a tihpui a, tun hnuah chuan Association kaltlangin motor hman tur a awm a nih pawhin an in ko tawh thin dawn nia tiin a tiam a, lawmawm an tih thu an sawi.