ZALEN, December 20, 2025: Gold 19, silver 13 leh bronze medal 19, a vaia medal 51 lain Ferocious Dojo, Kolasib chu categrory 132-a naupang 430-ten KATA leh KUMITE mipa leh hmeichhiaah inelna, 29th AMKA State Karate Championship-ah an champion.

Ferocious Dojo-in medal lian tham an lak zingah Female Team Kata Champion nihna an la haw bawk.

Inelnaah hian gold 13, silver pariat leh bronze medal 16 latu, Tuikual North Dojo chu pahnihna niin Aizawl West Joint YMA Karate Academy, AMKA Main Dojo chuan gold 12, silver 14 leh bronze 19 lain pathumna dinhmun an hauh.

Mizoram State Sports Council (MSSC) Golden Jubilee 29th AMKA State Karate Championship hi Joint YMA Hall, Aizawlah Nilaini khan Food, Civil Supplies & Consumer Affairs Minister B. Lalchhanzova’n hawngin inelna tan a ni a. Zirtawpni chawhnu khan PHE Minister Prof. Lalnilawma’n khuallian nia hmanpui kharna inkhawm hman a ni.

TEAM DINHMUN:

Champion: Ferocious Dojo, Kolasib

1st Runner Up: Tuikual North Dojo

2nd Runner Up: Aizawl West Joint YMA Karate Academy, AMKA Main Dojo

LAWMMAN DANG:

1. Best Discipline: Tuikual South Dojo

2. Best Karate Male: Hmangaihsangpuia, Heritage Hills Karate Academy Dojo, Aizawl

3. Best Karate Female: Lalrinzuali, Tuikual North Dojo

4. Most Promising Male: Marvin Lalruatkima, Tuikual South Dojo

5. Most Promising Female: Vanromawii, Bethlehem Vengthlang

6. Male Team Kumite Champion: Heritage Hills Karate Academy Dojo, Aizawl

7. Female Team Kumite Champion: Aizawl West Joint YMA Karate Academy, AMKA Main Dojo

8. Male Team Kata Champion: Aizawl West Joint YMA Karate, Academy, AMKA Main Dojo

9. Female Team Kata Champion: Ferocious Dojo, Kolasib

10. Geneveve Champion of The Champion: Hmangaihsangpuia, Heritage Hills Karate Academy Dojo, Aizawl