Aizawl; Amway chuan nimin khan midangte tanpuina kawnga an hmalakna chikhat atan an office ah naupangte pualin naupang lemziah intihsiak 'Nanhe Chitrakaar' an buatsaih a, he hunah hian naupang 30 an tel a ni. Nimin lemziah intihsiak ah hian 'Wild Life & Environment' tih hmang-in naupang ten an duh lam hawi zawng zawngin lem an ziak a, category hnih kum 4 atanga kum 7 inkar leh kum 8 atanga kum 12 inkarah then a ni a. Kum 4-8 inkarah hian Lalnunthara chu pa-khatna niin kum 8-12 inkarah hian Lalnotea chu pakhatna a ni bawk a. Lawmman hi Aizawl SP LR Dingliana Sailo in a hlan a ni. Amway thawktute chuan lemziak intihsiak an buatsaih chhan chu inunauna tha zawk a awm theihnan leh naupangte talent hai-chhuahna tur a nih thu an sawi a. Nanhe Chitra-kaar hi India ram hmun 40 ah an siam thin niin an sawi bawk.