February 7, 2023; An duh thu ngeia Tripura a pem thla a inbengbel tawh, mahse Mizoram electoral roll a an hming la chuang Bru vote nei mi 4,339 te hming chu Mizoram electoral roll atanga paih a ni tawh.

Joint Chief Electoral Officer David Liansanglura Pachuau hnen atanga ZALEN thudawn danin, Tripura electoral roll a Bru vote nei hming thunte chu Tripura election hotuten an rawn hriattir ve leh Mizoram electoral rol atangin paih zel an ni a. Mamit district a assembly bial pathum, Kolasib district a bial pathum leh Lunglei district a bial pathum ah te Bru vote nei hi an la awm.

Kum 2020 January thla a sawrkar laipui, Mizoram leh Tripura sawrkar leh Bru pawl hrang hrangte inremna angin Tripura relief camp a awm, Mizorama kir leh duh lo te chu Tripura a an inbenbel remtih a ni a. Heta inbengbelte hi Tripura electoral roll-a an hming thun vek a, Mizoram electoral roll atanga an hming paih tur a ni. Kum 2018 Assembly inthlanpui-ah khan Tripura a awm, Mizoram electoral roll-a hming la chuang si Bru mi 11,000 chuang an awm a ni.