Tun hnua khawvelin a hriat lar mi hlawhtling tam tak hi rim taka thawka harsatna paltlangtute an ni chawk a, an bultanna pawh a ropui vek lo tih a chiang. Mi thenkhat chu zai lama tui em em, a hnua lemchan lama lar zui ta daih te an awm. Chutiang bawkin lemchan lama bultan, a hnua zaithiam lar ni ta daih pawh sawi tur an awm nawk mai. 

Heng mi larte hian a tirah sum tam tak an la lut nghal bik lo a, an lar hma chuan sum beitham tak hlawhin bul an lo tan ve a ni. Chung zingah chuan - Selena Gomez, Ariana Grande, Josh Peck leh Miley Cyrus te hi a langsar zual an ni awm e. 
Josh Peck : American actor, comedian leh YouTuber hlawhtling ni bawk Josh Peck hi TV show leh film hrang hrangahte a inlan hnem tawh hle a, a tirah chuan episode $15,000 bak a hlawh ngai lo.  

Ariana Grande : American singer hi a tirah chuan lemchan lamah a intat lut a, supporting role a play ve thin. Kum 2010 atanga 2013 chhung khan American sitcom 'Victorious' ah a inlan a, kha tih hun lai khan episode khatah $9,000 chauh a hlawh thin. 'Thank U, Next' singer hi tunah chuan khawvela zaithiam hriat hlawh ber zinga mi a ni tawh a, a vawi khat concert ringawt pawh cheng maktaduai tam man a ni tawh. 

Selena Gomez : Ani pawh hi lemchan khawvel atanga rimawi khawvela zuanglut ta a ni a, a tifuh cher cher hle. Disney Channel a tihchhuah 'Wizards of Waverly Place' ah khan episode tinah $30,000 chuah a hlawh a ni. 

Daniel Radcliffe, Emma Watson & Rupert Grint : 'Harry Potter' star te hian an film hmasa berah khan sawi tham sum an hlawh lo tih tun hnuah an sawi chhuak. Mahse an channa film a hlawhtling a, Deathly Hallows Part 1 leh 2 an siam leh meuh kha chuan Radcliffe khan $20 million a hlawh a, Watson leh Grint te pawhin $15 million an hlawh kai tawh a ni. 

Miley Cyrus : 'Wrecking Ball' singer hian 'Hannah Montana' a larpui hle a, kha film-ah khan episode khatah $15,000 bak a lo hlawh reng reng lo. Mahse a talent ropui tak avangin hriat a hlawh chho a, sang takah a invawrh ta a ni.