Aizawl March 15, 2022 : School Education Minister Lalchhandama Ralte chuan April 5, 2022 atangin zirna in zawng zawng hawn a ni dawn tih a sawi.

He thu hi vawiin (March 15, 2022) a a office chamber-a school session thara school hawn dan tur chungchang ngaihtuaha department officer leh zirtirtu inzawmkhawm pawl hruaitute nen an thut khawmnaah a sawi.

Meeting-ah hian minister chuan, "Hrileng avangin zirna in a pangngaia hawn theih a nilo chu naupangin an tawrh phah nasa," a ti a, "Ramchhung hmun hrang hrangah zirna a pangngaia kalpui a lo nih leh takah chuan Education department pawhin sawrkar rawn chung leh SOP te zir chiangin April 5 ah zirna in zawng zawng chu hawn a ni dawn," tiin, hemi atana department lam ten an tih tur awm zawng zawng te pawh an peih fel tawh thu a sawi bawk.

Meeting ah hian Private  school ten fee a pangngaia zaa 100 a an lak chu phalsak an ni a. School luh leh huna kaihhruaina SOP Director School Education lamin an sem darh nghal dawn a ni.