Aizawl April 4, 2024 : 19th Lok Sabha Election neih turah Mizoramah chuan a nawlpuiin April 19-ah vote an thlak dawn a, chutihrualin kum upa te leh rualbanlo te chuan Aizawl district-ah chuan Thawhtanni, April 8, 9 & 10, 2024 hian House Voting hmangin vote an thlak dawn.

MLA Election-ah kha chuan House voting atan kum bithliah hi kum 80 chunglam tih a ni a, tun tumah hi chuan 85+ chin a ni tawh thung dawn a, rualbanlo tehna hi 40% pianphunga rualbanlo te an ni dawn a, Election official ten hemi tura hming pe te hi an In-ah an kalchilh dawn a ni. Hose voting ti thei tur te hi Aizawl District bikah mi 874 an awm a, an zinga 54 te hi pianphunga rualbanlo te niin 820 te kum 85 ching chunglam an ni. Home voting ti tur hian Mizoram pumah mi 1600 velin an hming an pe a ni.

Aizawl District Election Returning Officer, Aizawl DC Nazuk Kumar chuan vote tla a that theih nan theihtawpin hma an la tih a sawi a, Art Exibition chu April 3 atang khan neih tan niin naktuk thleng a awh dawn. April 6 hian Millenium Centre-ah vote thlak that tulna inzirtirna neih pahin Street Concert neih a ni dawn a ni.

Inthlan hmaa Aizawl FC-in home match an neih apiangin voyte thlak tura inzirtirna hun hman thin a ni dawn a, April 11 hian Bike rally neih tur niin, Aizawl-a vote tamna ber Zemabawk-ah vote thlak tura inzirtirna hun buatsaih tum a ni bawk a, Aizawl City Bus te nen thawhhona an nei dawn bawk.

Postal Ballot bik hi district dang pawh Aizawl-ah vek chhiar tur a ni a, a bika chhiarna hmun siam a ni ang. Zarkawt Polling Station-a Boot - 2 chu rualbanlo hlangin an enkawl dawn bawk a ni.