Aizawl May 4, 2024 : April thla kalta chhung vek khan Aizawl DTO ah lirthei ziahluh (register) 1,801 a awm a, lirthei register zingah Motor Cycle /Scooter tam ber in 1,329 a ni a, Motor car 317, Goods Carrier 102 bakah motor cab 21, Motor cycle/scoooter for Hire 12, Three wheeler (passenger phur chi) 9, Luxury- cab 4, Dumper 2 bakah Motorr Cycle/Scooter with side car, Crane Mounted Vehicle, Construction equipment vehicle, Education Institution Bus leh Ambulance 1 theuh a ni.

April thla chhung vek khan Aizawl district-ah Enforcement staff ten lirthei dan bawhchhia 275 an man a, April chhunga lirthei an man zingah bungraw phur lirthei te ho (light goods vehicle) an tam ber a, 77 man an ni. A dawttu chu maxi cab ho an ni a, 44 an ni. LMV 47 leh heavy goods vehicle 40 man niin, an ni ho a a tam zual deuh an ni. Hemi hun chhung hian two wheeler taxi dan bawhchhia pakhat chiah man a ni thung a, rental car leh tanker pawh pakhat ve ve man an awm.

April thla chhung hian enforcement staff-te hian lirthei 1340 an endik atangin dan bawhchhia lirthei 275 an man a, an mante sum chawi tlingkhawm hi Rs. 10,19,500 a ni a, vai hian sawrkar sum bawma chhunluh tur a ni.

Dan bawhchhiatna tam ber hi insurance leh thildang, dam hun chhung nei chi document thi tawh, phurh theih aia tam phur, tlan theih lohna china phalna nei loa tlan te a ni thin a. Lirthei tlan tlan emaw a hmuna sum an chawi tur ang chawi tur nei nghal lo te chu e-challan hmanga chhinchhiah thin an ni.