ZALEN June 6, 2025; Assam Rifles chhuahsan ram hospital thin bula thing pakhata Nauban chu tunhnai khan hmeichhe pakhatin satha ip hnih khat a la ni-a sawi chungchangah Social Activist Vanramchhuangi (Ruatfela Nu) hmalakna angin nimin khan Nauban rutu ni-a sawi hi Dawrpui local council-in an man a, Aizawl police station-ah an hlan chhawng nghal a, nimin vek khan court-a thawn nghal a ni.

Phalna nei lova Nauban lak (ruk) hi Wildlife Protection Act, 1972 kalh a ni a, Senhri par sen (Mizoram State Flower) leh Senhri par pawl (Blue Vanda) lak, zawrh leh lei chu kum 3-7 lung in tan leh Rs. 25,000 chawia hrem theih a ni.

AR chhuahsan rama Nauban lak hi satha ip khat hmuh let a ni a, hei hi a awmna thinga phun leh tum a ni.