Dwayne 'The Rock' Johnson chu Terminator film-ah kan hmu mai thei - Arnold Schwarzenegger a thlak dawn niin an sawi. 

Austrian-American actor lar Arnold Schwarzenegger hi kum 73 mi lai a ni tawh a, film chang zel tur chuan a kum a tam tawh mah mah niin a lang. Terminator franchise-a a inlanna hnuhnung ber chu 2019-a tihchhuah 'Terminator: Dark Fate' kha a ni a, a la che hit viau a nih kha. 

Amaherawhchu, Terminator film dang zelah a inlan leh ang em tih chu zawhna awm mek a ni a, amah thlaktu tur an inrinsiak mek. Entertainment reporter lar tak pakhat Daniel Richtman chuan Arnold thlaktu tur hian The Rock chu a khan ber niin a sawi a, media te chaw tui tak pakhat a ni mek. Hetianga boruak a awm mek lai hian The Rock chuan tun hnai khan Instagram-ah Arnold hi a mention a, ngaihbel a hlawh chho leh zual a ni. 

Kum 48 mi WWE superstar hlui Dwayne 'The Rock' Johnson hi lemchan khawvelah a zuanglut fuh hle a, Hollywood leh Bollywood-a lemchan thiam lar ber berte ai pawhin sum a lalut hnem zawk a ni.