Zirtawpni zan zanlai khan Mizo tena football league kan en nasat ber Premier League chu tan niin Arsenal leh Premier League kai thar Brentfort an inkhel a, club sulhnu ropui tak nei Arsenal chu mual neitu lakah sihnih faiin an tlawm. 

West London club Brentford te hian North London club Arsenal laka point thum hlawhchhuak turin Sergi Canos leh Christian Norgaard-te goal thun an duh tawk. Nikum khan Brentford hian Championship atanga play-off khelin kum 75 hnua top flight, Premier League an khelh na hmasa ber a ni. 

Brentford Community Stadium-a inkhelhah hian an club chanchina Premier League vawi khat khelhna Brentford hian minute 22 na lekah Sergi Canos hmangin goal hmahruai an thun a, second half-ah Danish midfielder Christian Nøgaard-a'n minute 73-ah Brentford tan tauh lut lehin goal a luh belh lo.

He inkhelhah hian rinkai zawk ‘big four’zinga chhiar tel thin Arsenal hi Brentford lakah an chungnung zawk a, ball pawh 65% lai changin shot 22 an nei a, corner pawh Brentford lamin tum hnih chiah an hmuh laiin Arsenal hian vawi li lai an pet bawk. Mahse, goal-a vanduai Arsenal hian goal zawnah tum 4 chauh an vawrh lut thei a ni. Inkhelha chaklo zawk Arsenal tan hian Pepe, Emile Smith-Rowe leh  Gabriel Martinelli ten an thun teuh hle. 

Chaklo zawk Arsenal tan hian mi thar 3, Sambi Lokonga, Ben White leh Folarin Balogun ten inkhel bul an tan a ni.