DOWNLOAD OUR APP

Read latest news on your phone
app-store
Article : KRISTIANNA LEH CHANGKANNA
Jan 26, 2023

George L.Ralte
Member
Mizo Academy of Letters

Kan khawvel hmasawnna in a ken tel pakhat chu changkanna hi a ni.Hei hian kan khawvel hi a fang mek zel a ni. Mi thenkhat ten an sawi fo thin chu kan ramah hian Kristianna a lo luh atangin changkanna kan pan chho a ni ber a, hei hi a dikna chen pawh a awm thei awm e. Tunlai changkanna hian Kristian nun mawi leh tha a ti bo hle niin a lang. Kan khawvel changkang chho zel hian kan Kristianna ti nung chho zel turin Pathian nung betu  Kohhran mipui zawng zawng te hian tan la thar zel ila. Keini hoin a hma kan hruai loh a hma kan lak loh chuan vawi tam tak Pathian thu tha tak tak kan hriat leh zir mek te hi he kan khawvel changkanna hian a hruai bo ve mai a hlauhawm tak zet a ni.

Mizo ten a kan entawn leh an tih dan kan lak sap ho ten a an sawi fo thin  SIMPLE LIVING HIGH THINGKING an tih hi kan ram ah kan hmeh bel thiam a pawimawh tak zet a ni. Kan nitin nun ah leh kan Kristianna ah pawh keini Kristian in ti te hian kan in enfiah nan leh kan in bihchian nan a kan hman fo in chu chu  kan mawhphurhna a ni bawk tih hi i hre reng ang u.

Kan Kristianna ti chhe zawng leh ti bo zawng a changkan hi Pathian duh loh zawng a ni tih hi i hai hauh lo ang u.

Tunlai khawvel changkang zel ah hian hnam ropui leh changkang zawk ten a an hman in biak pawhna Media lam hi i han thai lang lawk teh ang. Media lam ah hian kan ram a Kohhran thalai pawl hrang hrang te hian nasa tak a tan an lak thar a ngai tak zet a ni. Ram changkang zawk ah chuan Media hmangin Pathian ram chanchintha puan darh hna thawkin nasa takin tan an la mek zel a, keini ram ah pawh hian he Media hmang tangkai hian harsatna chi hrang hrang kar ah nasa takin Pathian rawngbawl hna leh kan ram rawngbawl hna hi kan thawh zel hi a pawimawh tak zet a ni.

Changkanna kan tih hrang hrang ah hian thil pawimawh tak pakhat awm tel chu THIANGHLIMNA hi a ni. Thianghlimna hian kan ram, kan hnam, leh kan Kristianna te hi a ti hmasawn a, kan thianghlim loh chuan kan ram leh hnam hian hma a sawn lo ang a, changkang lam kan pan thei hauh lo tih hi kan hriat reng a pawimawh a ni. Thianghlimna han tih hian chi hrang hrangin a thai lan theih awm e. Mahni in leh a vel a thianghlim tak a kan vawn duh ang bawk hian zuk leh hmuam chungchang ah pawh hian kan in sum a changkangna lam pan zel a, nitin a Bawlhhlawh kan neih thin te kan paih dan thlengin a ni ang chu kan Kristianna leh changkang kan in tih thinna te hi a in mawi thin em tih hi kan in zawh fo a tul a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh