-George L. Ralte

Kristian ten a kan hunpui ber Krismas chu kan hma lawk ah hian kan lo thleng leh dawn ta reng mai.Tun tum ah hian Mizo ten a Krismas kan lo hman tan dan thenkhat ka rawn ziak leh a,thuziah dik loh lai ka lo nei a nih chuan chhiartu te hnen ah in mi ngaih damna ka rawn dil hmasa a ni.

Mizo ten a Krismas kan lo hman tan dan hi thangthar mai bak ah nu leh pa tam zawk te ah hian hre lo tam tak an awm tawh awm e.

Krismas tih hi a awmzia tak chu kan Lal Isua lo pian ni tihna niin chanchin zir mite chuan December ni sawm hnih panga hi Isua pian ni niin an sawi a ni.Hemi ni hi Kristian te chuan kan ngai hluin kan ngai pawimawh em em a, kum tinin Kristian te chuan awmni khamin hemi ni kan lawm ziah thin a ni. Mizoram a sawrkar kan neih hi Kristian sawrkar a nih avangin he Krismas ni lawm hian sawrkar hnathawk zawng zawng ten Krismas hun hlim awm tak te hmangin ruai te kan theh a, Mizoram a sawrkar hnathawk Kristian ni ve lo te pawhin he Krismas ni hi chawlh hah dam nan an hmang a ni.

Ni 25.12.1904 khan Mizoram ah hian Krismas hman tan niin Mizoram a zosap rawn thleng hmasa zing a pahnih te chuan an nupui ve ve te hruaiin ni 23.12.1904 khan Aizawl ah pheiin vawk pathum leh thil dang te leiin December ni 27 ah Krismas lawmna ruai te thehin, Pathian biak inkhawmna an nei. Zosap te chuan Mizoram-a an rawn kal hmasak thu te an sawi a, an chanchin sawina leh lawmthu sawina te neiin a hnu lawk ah bawrhsap in ah chhun ah sap ho hnen atangin Pathian thusawi ngai thlakna hun te an hmang. Pathian biak inkhawmna an hmang leh a, hemi tum hian sap hmeichhia 6 leh sap mipa 9 bak ah Mizo 11, khasi 7 leh Bengali 3 an tel a ni awm e. Zosap zinga pakhat chuan Isua a lo pian tirh ata a thih thleng chungchang thu sawina a hmang nghal a ni.

Hemi ni zan hian sap ho chuan bawrhsap in ah Pathian biak inkhawmna hun hmang leh a, Pathian biak inkhawmna hmun an neihna chhung ah chuan Far kung te phunin a zar tin ah chuan khawnvar te an khai thluah a. Chumi bul ah chuan sap 15 te zaiin an zai ngaih thlak a nuam em avang leh an zai thiam em avangin babu Office a mite pawh rawn kal khawmin an zai chu mawi an ti hle a ni awm e. Tin Bawrhsap chuan a chaw ei dawhkan ah khasi ho chu thingpui te in puiin, dar sava ennawm te siamin dar zaiin an chaih a,hmuhnawm an ti hle a ni. Zosap te hian hmun hrang hrang ah hun an hman zawh hnu hian ni 2.1.1905 ah Aizawl a Krismas hmang a cham sap ho chu haw in kum 1905 atangin Zosapthara hovin kan Mizo mi hmasa ten Krismas an lo hman chhunzawm thu thenkhat kan hriat theih dan chu a ni e.