- Rev. L. Rema

January 12-14, 2023-a Manipur State Parbung khua a hnam khawmpui lian tak, Unau Suopui Cultural Festival Ruongle Vaisuo hmang turin i lo kal thei ang em?, I lo kal theih chuan 'Chhinlung Chhuak Zofa' tih lehkhabu i ziah Hmar version 'Sinlung Suok Mizo nauhai' pawh copy i neih ang ang rawn keng la tiin min rawn phone a, ka lawm rual rualin ka bangbo hle mai a. 

He sawmna hi hnar phal chi erawh niin ka hre lova, ka arkhawthim dai ve tawp mai a, khawmpui hawnni January 12, 2023 ah chuan La Ganesan, Hon’ble Governor of Manipur chu khuallian niin a hun takah a lo thleng a. Ruongle Vai Suo lungphum hawnna a nei nghal a, Governor hian Hnam Palaia lokal Unau Hnam 16-te lungrualna thawm ri chu Harmoni rimawi angin a mawi a ni, a ti a, Cultural festival lam te chu ropui leh mawi a tih thu te hahipin a sawi chhuak nghe nghe.

Awle Ruongle Vaisuo tih hi keini Lusei tawng hmang tan chuan chhiar pawh kan chhiar thiamlo maithei, a meaning pawh kan hre phalo maithei bawk. Tuirong leh Tuivai lui pahnih infinna lai hi Ruongle Vaisuo an ti a, kum tam tak liamta ah khan Hmar hnam pi leh pute hi Tuivai leh Tuirong infinna hmunah hian anlo awm tawh thin a, helai atang hian khawthlang lam ram hrang hrangah an lo pem/awm darh ta a ni tiin vawiin ni thlenga an pawm dan a lo ni. Chuvangin tun tum khawmpui pawh hi ‘Ruongle Vaisuo’ Cultural Festival tih hming alo pu ta a ni.

Chutianga an history meuh a an lo chhinchhiah tawh hmun pawimawh tak anih avangin kan pi/pute lo chenna, hnam anga kan pian leh murna (Ancestral Homeland) hmun hlui tiin hlut pawh an hlut thiam hle a ni.

Tin keipawh achunga ka tarlan tawh angin Ruongle Vaisuo khawmpui hmanga ka han arkhawthim dai a ka han kal ve chu tumah pawh hriat ka neilo ang a, tumah pawh in min hre hauh lovang ka tihrualin, ka hminga Pu Rem ilo thleng thei maw, chibai le ti a min rawn chibai tute leh Chief Secretary-te nupa te, Dr.L. Fimate te, Engineer leh Doctor te leh Department hrang hranga Director ten min rawn chibai ve nawk nawk mai a, ka phulo hle in ka hria, a hming ka hriat loh University-a professor pakhat chuan 'Ruongle Vaisuo Chibai le' tiin min rawn chibai a, min chibai tute zingah hian Kohhran Denomination hrang hrang Pastor te an kat nawk mai. 

Ruongle Vaisuo-a ni khat ni-a State Governor-in Pandal a lo thlen hma minute 30 vel hunawl hmanga chair a ka thut laiin DDK Palai te chuan hawihhawm takin ka pu DDK Palai kan ni a, inkawmna hun reilote min siam thei a ngem? an rawn ti thut mai a, Eee.. a ni maw, Englam hawi zawngin nge kan inkawm ang tiin ka zawt let ve ta a. DDK Palai te chuan China ram Sichuan Province-a awm Sinlung khua i han zin chanchin te leh thildang tlem te an ti a, kan interview ta a. Ruongle Vaisuo inkhawmpuiah hian Ruongle Vaisuo atanga hmun hrang hranga thlangtla hnam Palai ten mahni hnam lam dan theuhin mahni hnam thuam mawi tak tak te nen an lam dual dual chu an hmuhnawmin a ropui hle mai a, a karah an hnam 16 te chanchin sawina an nei bawk a. A nithum ni thlengin khamlo zetin hlim takin khawmpui chu khamlo takin ni January 14, 2023 Inrinni zan dar 7:00 pm ah kharna kan hmang ta a ni. 

Keipawh Ruongle Vaisuo khawmpui ka han hmang ve chu ka hlawkpui hle mai. Kum 2012 khan China ram Sichuan Province a awm Sinlung/Chhinlung khua Yalong lui kama awm ka han tlawh tuma Zofa hnam hrang hrangte tobul (origin) Sinlung khua chu Ruongle Vaisuo hmun Tuirong leh Tuivai infin ang deuh hian Yalong lui (Vadung) hi, hmar lam atanga lui (Vadung) pakhat (lui hming ka hre ta lo) hian Sinlung thlanmual gate bulah a rawn fin ve a ni. Chuvangin Sinlung khua pawh hi Yalong Vaisuo tiin kan phuah ve mai dawn em ni ang?? ka ti rum rum mai.

A tawp berah chuan Manipur State Parbung khuaa Ruongle Vaisuo unau Suopui Cultural Festival chu khamlo takin kan mangtha liam ta a ni. Mizoram State ah chuan kumin Novenber 2023 thla vel hian General Election kan nei dawn a, tuna Sorkar lai MNF te hian Sorkarna fawng hi an vuan leh thei ang em??. Chhiartute answer chu chhiartute chanvo a ni e. Vote thlak hi voter te chanvo/kan dikna chanvo hi rilru fimtak nen i thlak theuh ang u.