Mipui vantlangin CBI hming kan hriat tanna chu kum 1984-a Congress Party in inthlanpuiah hnehna changin P.C Party Sorkar tla ta Assembly House-a PC Party-in Ministry a siam leh hnathawhnaah hnuhma fello nei ang a tawngkama an han kahzui chu duh lovin C.M atanga tla ta Brig. T. Sailo duh loh zawng tal anih avanga chutia thiltithei tawh lova an awm avanga chutianga chirhtheh chu duh lovin, “Kan diklo a kan fello ni a inhriat chuan helai a min beih dan hi ka duh lo. Induh a min bei duh a nih chuan CBI te pawh inruai thei a lawm.’’ a tih atang khan vantlang lamah CBI hi enge ni, tute nge an nih chiah hre lem lovin kan sawi ri ve fo ta a ni.

Kum 1903 hun lai daih tawh khan British India Home Department khan CBI ang mi fello te hnuchhuitu din hi Indian Police Commission chuan rawtna a lo nei daih tawh a; mahse umzui puitling lovin a chawlhsan leh lawi a. Chutih lai erawh chuan State Sorkar-a Police-te chu Special Police Establishment Divisions, hlemhletna chungchang Central Sorkar hnathawkte pawh Delhi Police Establishment Act 1946-in a phalsak angin leh State Sorkar in rem a tih angin dan bawhchhia nia hriat te chu chhui tir thin an ni a. State tam ber te chuan hetianga anmahni State chhung thlenga CBI te huang zauh hi an phalsak hlawm a ni.

Chutiang tak chuan mi dik lo nia hriatte hnuchhui hna chu Special Police Establishment (SPE) Division-a mite chu hnuchhuitu pawl pawi-mawh tak niin Intelligence Bureu (IB) ah leh Central Bureu of Investigation (CBI)-ah hnuchhuitu pawl mawimawh tak atan din a ni ta a ni.

Delhi Special Police Establishment (SPE) chu Division 6 (paruk) inhlawmkhawm an nih angin SPE chu heng Division paruk zinga pakhat a ni a. Division dang panga te chu heng te hi an ni :-
1. Technical Division
2. Crime Records Analysis Division
3. Legal and General Division
4. Administrative Division

Heng Division-te bakah hian Economic Offences Division chu 1st July, 1964 khan Tax pek pumpelh chingte leh Foreign Exchange Regulations pawisalo te chhui turin din a lo ni leh ta a ni.

Police-te hi ram leh mipuite ven leh humhimna ah Defence Service dawttu an ni a. Tualchhung rorelnaah khawpui leh khawte zawkah te an pawimawhin Home Ministry hnuai atana thuneitu pawimawh leh mi tha lo leh mi diklo te laka mipui min venghimtute an ni.

Kan Sorkar neih tawh te, a bik takin Congress leh MNF Sorkar kan hrawn tawh te hian nasa taka corruption-in hmun a chang chung pawhin CBI lakluh a chinfel ai chuan Beurocrats Corruption titu te nena invulh thau leh PIL leh FIR-te chu Vigillance-a thuneihna hmanga a dan beh leh hrek hi a pawisa lo ang maia chet leh lal hrawt hi an pawisa lo niin a lang.

Kan Sorkar dinglai chevel leh kalhmang hi Financial Administration atang leh Audit thlirna (point view) atang chuan Supplementary Budget-a sum tam tak lo lang thin te, Health Department-in Health Care Scheme hnuaia mipui thawhkhawm an lo hmang ta mai nia hriat te hi thil serious tak a nihna mipuite hriatfiah tir a pawimawhin dan hmanga tihfiah a tul hle a ni.