ZALEN August 1, 2023 : National Council of Churches in India - Dalit & Tribal/Adivasi Concerns te, Catholic Bishop Conference of India - Office for Schedule Caste/backward Class te leh National Council of Dalit Christian te chuan thuchhuah siamin August 10, 2023 hian India ram kohhrante leh Kristian pawl hrang hrangte National Protest Day hmang turin a ngen.

He hunah hian Dalit Kristiante leh Dalit Muslim te dikna chanvo pe duh lova India sawrkarin a ngaihthah reng an ni chu he ni-ah hian an duh loh zia auchhuahpui an tum a ni.

1950 khan India President chuan Scheduled Caste chunchangah thupek chhuahin, Dalite te chu Hindu sakhua ni lo Kristian emaw, Muslim emaw an nih chuan Schedule caste-ah chhiar tel an ni thei lovang, tih a ni. He dan hi mipui hriat tura puanzar a nih atangin Dalit Kristian leh Dalit Muslim te chuan kum tin August 10 hi National Protest Day-ah an hmang ziah thin a ni.

Pawl pathum te chuan April 12 khan Supreme Court of India chu hemi chungchang hi ngaihthlaksak turin an ngen a, an thu thlen tawh te lakhawma zir chiang turin Nodal officer a din a, July 11, 2023 khan theh lut turin an ti a ni. Supreme Court bench chuan an thu thlente hi an ni tiam July 11, 2023 khan ngaihthlkan hun an pe hman ta lo aa hun hi pawhsel leh a ni. Hnam hnufual te tana dan dik lo hi dodal chhunzawm zel an tum a, 1950-a Schedules caste Order hi siam danglam turin an phut.

Hetiang a nih avang hian Kohhran te, Regional Council te, Krian pawl te leh an tawhpui te, Institutional te leh Kohhran mal zawng zawng he chu August 10, 2023-a Protest Day hi lo hmang ve theuh turin an ngen a ni.