Japan rama khelh mek Badminton World Championship-ah England mi pahnih Ben Lane leh Sean Vendy te chuan an khingpui hnehin men's doubles ah quarter-final an lut. 

Lane leh Vendy te hian Indonesia mi Marcus Fernaldi Gideon leh Kevin Sanjaya Sukamuljo te tang dun chu 21-15 21-9 in an hneh a ni.

Gideon leh Sukamuljo te hi badminton tournament ngaihhlut ber pakhat leh tournament upa ber All England Open-ah tum hnih an lo champion tawh a ni. 

Lane leh Vendy te hi seeded 14-na an ni phak hram a, world ranking-ah 17-na an ni bawk. Indonesian pair Fajar Alfian leh Muhammad Rian Ardianto te chu quarter final-ah hian an hmachhawn dawn a, anni pahnih hi seeded panga-na an ni nghe nghe. Birmingham-a Commonwealth Games neih zawh takah khan Lane leh Vendy te hian men's doubles-ah silver medal an awrh haw a ni.