August 1, 2023; Mizoram dep a awm Bagha Young Muslim Association (YMA) hruaitute'n an huam chhungah mawi lo tak leh rui buai a khawsa Mizo an awm ngai tawh lo tih an sawi.

Bagha YMA hruaitute chuan ZALEN zawhna chhangin, tun hma lam ang tho in an huam chhungah Mizo khawsa tawk awm reng mah se, buaina siam leh ruih vanga buaipui ngai an awm tawh lo tih an sawi a, Vairengte police leh NGO te nen pawh thawhhona tha tak an la neih reng thu an sawi.

Tun hma lam deuh kha chuan Bagha leh a chhehvel ah hian Mizo mipa leh hmeichhe thenkhat awm tha duh lo te vangin Mizo hming a lo chhe fo tawh thin a, chungah chuan Bagha YMA, Vairengte police te bakah a bikin, Vairengte huam chhung MHIP ten nasa takin hmalakna an lokal pui tawh thin a ni.