Aizawl April 20, 2024 : Thawhlehni April 16, 2024 khan Bairabi khaw luh dawna Kawnpui luia lei chhuat phah chu motor-in a rap chhia a, siam mek ni mah se, lirthei lian chi tan zawh theih a la ni lo.

Thudawn danin lei hi railways bungraw phurin a rap pawp a. A phah thenkhat tlain a ke hi a zapuiah a tang a. Thawhlehni chhunah a helna siamin a chhuat phah thlakna tur hi Aizawl atangin an la a, Nilaini atang khan an buaipui tan a ni.

A za hi a lo kawih avangin an tingil leh phawt a, zan lamah a phah hi thlakin a kilhna a lo inzawn chiah loh avangin motor tang an tan rei loh nan kilh lovin an kaltir a. Mahse, motor lian bawkin an la kilh ngheh loh hi rap tawlh lehin a tlahawlh leh a. Zirtawpni zan khan motor tê kaltlang theihin an siam a, zanin lam hi chuan motor lian zawh theiha siam PWD lam chuan an beisei.