March 6, 2024; Chief minister Lalduhoma'n 'Bana kaih (hand holding) policy' hnuaiah mahni ke a ding theilo te an banah kaiin an kalpui dawn tih sawiin, kal tha duh lo te erawh an kai lui bik dawn lo niin a sawi.

Vawiin assembly session a budget sawihona neihah thusawiin, finance minister ni bawk Lalduhoma chuan, 

hand holding policy chu hming dang vuah an phallo tih sawiin, "Mahni ke a kal thei lo te, mahni ke a ding thei lo te an banah kaiin kan kalpui dawn a, kal tha duh lo erawh chu kan kai lui bik lovang, kaih a kal duh min zui duh te erawh kan kai dawn," a ti.

Hand holding policy chu Mizoramah a vawikhatna a ni tih sawi bawkin, "Sem a ni dawn lo a, chhungkaw tin a sem emaw kan party chin zawng sem emaw ang chi tur a ni lo, beneficiay uluk takin line dept, ten an thlang ang, kum khat na ah mi tam tak kan thlang lo vang, mi hlawhtling ngei tur entawntlak an hnathawhte pawh video a tarlan ngam, inelna thianglim kan mipuiten an neih theihna tura kan hmahruaitu tur chutiang mite chauh chu thlan hmasak phawt kan duh a ni," a ti bawk.

Chief minister sawi danin, hand holding policy chu central sceme awmsa hrang hrang nena kal kawp tur a awm dawn a, kan state sum tam tak hman tum a ni lo a, central scheme thui tak nghenchhan tur a ni.

Hand holding policy kalpuina turin, bank hrang hrangte bakah, rampawn lama an hotute nen pawh inbiak a ni tawh a, loan la turin an duhsak zawng leh an party mite thlan an ni dawn lo.

"Keini chuan a hlawhtling thei ngei tur chauh kan thlang dawn, kan thlang mai ni loin kan enzui dawn a, theihtawp kan chhuah ho dawn," a ti bawk.