April 30, 2024; Bangalore-a lehkhazir tum leh hnathawh tumte tan, thu belhchian dawl lo leh inbumna lakah fimkhur turin an ngen.

Bangalore Mizo Association in fimkhurna tur hetiang hian an tarlang : - 

1.College/Institution leh hnathawhna hmun tûrah mahni emaw, chhûngte emaw, a hmun ngeia kala finfiah/hriatchian hmasak a tha.

2. Mizoram-a chanchinbu leh cable TV hrang hrang hmanga Admission hmuh leh hnaruak zawm theih an rawn chhuah thin hi finfiah hmasak zel phawt tur a ni.

3. Admission buaipuina atan emaw, hna hmuhna atan emaw, Agent-te kutah emaw, kan hmelhriatte kutah emaw, pawisa pek hmasak loh hram ni se.

4. Admission leh hna chungchângah Mizo ngei kan dawr a nih pawhin a hnua buaina a awm loh nan Bangalore Mizo Association hruaitute hriatpui ngei hi a tha hle a ni.

5. Documents pawimawh original ken tel ngei tur a ni a, hna kan zawm dâwnin Agreement letter felfai tak nêna zawm tûr a ni.

6. Hnamdang kara awm tur kan nih hre rengin Mizo takin dik leh fel taka thil tih thin tur a ni.

7. Bangalore-a awm turte bakah a awm mek ten buaina leh harsatna kan tawha, awlsam zawka kan intanpui zel theih nan, BMA Member nih ngei a tha a, nih ngei kan tum dawn nia.