Bangtan Boys (BTS)

Admin - Sep 05, 2021

Guinness World Records Hall of Fame-ah

South Korean boy band Bangtan Boys (BTS) te chu an record chhuanawm tak tak 23 zet nen Guinness World Records 2022 Hall of Fame-ah lakluh an ni. 

Kum 20210-a indin, member pasarih awmna BTS hi khawvela band lar ber zingah chhiar tel an ni tawh a, an sulhnu enin thil mak a ni lo. Music industry-ah record ropui tak tak an siam hnuin Guinness World Records Hall of Fame-ah lakluh an ni ta a ni. 

BTS hian spotify-ah record an siam a, British band Coldplay record an thai chhiat bakah mipa band zinga Instagram-a follower ngah ber an ni cheu bawk. 

Spotify-ah hian an hla 'Butter' chu darkar khat chhunga stream nasat ber niin, maktaduai 11.04 zet a tling. 'Butter' hian record a siam hnem hle a, YouTube, Billboard chart leh Spotify-ahte record an siam vek - namai lo tak a ni. 

An record hi sawi vek sen pawh a ni lo a, rimawi khawvelah an par vul tak zet. Chumi nemngheh nan chuan tun hnai khan Guinness World Records chuan Hall of Fame-ah an lalut ta rup a ni. 

Share now