DOWNLOAD OUR APP

Read latest news on your phone
app-store

Basketball-ah a zawnin US

Aug 08, 2021

USA hian 87-82 in France an hneh.

Nimin zing khan, Tokyo Olympic neih mekah USA mipa basketball team chuan a zawna gold medal vawi li an lakna turin mipa basketball-ah an champion. He inkhelhah hian US star Kevin Durant chu a pawimawhin a chetha hle a, record thar siam tepin point 29 a score a, final-ah hian USA chuan 87-82 in France an hneh.

Final-a chak zo ta lo France hian a tum thum nan silver medal an la ve thung a, tum dang final an luh 1948, 2000 leh 2021 ah te hian USA lakah an tlawm vek a ni. Nimin zinga basketball final khel US leh France te hi group stage lamah inhmachhawn tawhin USA hi anlo tlawm tawh a, final-ah erawh USA zawk an chak leh zawk ta hlauh a ni. 

Frank Ntilikina chuan three-poin thunin minute nga chauh a awm tawh tihin France 73-70 hma a hruai pui a, mahse US lam atangin Damian Lillard, Jrue Holiday leh Jayson Tatum ten rawn thun ve lehin minute thum lek a awm tawh tihah 82-72 in an rawn lehthal a, hun tawp hamrik a rik chuan point 5-a inthlauin US an chak ta zawk a ni.

Share now