Aizawl; Nimin zing dar 7 khan District Consumer Forum huaihawtin Lawngtlai Chawngte Peng Bazarah World Consumer Right Day hman a ni a, zing kara chaw-hmeh leh thildang leia Bazar mipui kalkhawmte hnenah thil leitute dikna chanvo hrilh-hriat an ni. Lawngtlai-a 'World Consumer Right Day' hmannaah hian Dr. HTC Lalrinchhana, MJS; Chief Judicial Magistrate-cum-Senior Civil Judge, Lawngtlai &Saiha District chu khuallian niin, sorkar dan hnuaia thil leitute chanvo nihphung leh a lo irhchhuah dan a sawi a. Thil leitu lungawi lohna neite tana dan anga hmalakna awm thei hrang hrangte a a sawifiah a. Thil lei leh hralh thu-ah, a leitute/ a tuartute an lungawi miau chuan a bawhchhetu emaw a tidiklotute chungah hremna a lek theihloh tluk a ni, a ti a. Mahse, fel taka thuneitute hnena thlen a nih erawh chuan chak taka hmalak thin a ni, a ti. "Thil fellote dan anga chinfel ngei a nih loh chuan kan tan khua a var tikni a awm thei lovang," a ti bawk. World Consumer Right Day pual inkhawm hi District Consumer Forum Chairman, B Lalhuma, Ex MDC, LADC in a kaihruai a, District Consumer Protection Council-in Consumer Forum hmalak tawh dante report ngaihthlak a ni bawk.