Beisei aia hmaah Billie Eilish hla thar

Admin - Jun 05, 2021

July 30 hian a studio album pahnihna tur 'Happier Than Ever' a tichhuak dawn a, boruak a neih len lai tak a ni

Billie Eilish fan te tan thu hriat nuam tak a awm a, an beisei aia hmaah hla thar ngaihthlak tur an nei dawn. American pop star hian tunkar lo awm tur hian hla thar a tichhuak dawn tih Instagram kaltlangin a puang a, a hla title tur erawh a la puangzarh lo thung.  

Kum 19 mi lek mah nise rimawi khawvelah a mikhul tawh lo hle a, a hla tih chhuah thar a piang a hit em em vek zel. July 30 hian a studio album pahnihna tur 'Happier Than Ever' a tichhuak dawn a, boruak a neih len lai tak a ni. 

'Happier Than Ever' album atang hian single pathum - My Future, Therefore I Am leh Your Power te a tichhuak a, chart hrang hrangah a thleng sang hle. Heng a hla pathumte hi Billboard Hot 100 top 10-ah an inhlangkai vek a, 'Therefore I Am' phei chuan No. 2 a hauh phak hial. 

Kum naupangte ni chunga rimawi lama chawimawina ngaihhlut Grammy Award pawh dawng tawh Billie Eilish hian a album thar tur pual hian Happier Than Ever World Tour a neih tur thu a puang tawh bawk a, fan ten ticket lei an inchuh nghal der tawh. Tun hnai khan British Vogue tan lingerie cover shoot a nei bawk a, a lar chho zel dawn tih hai rual a ni lo.

Share now