Aizawl July 8, 2024 : Vawiin khan BJP chuan an party office Mipui Run-ah Karthar Inhlanna leh Political Session hun an nei a, he huna thusawiptu Vanlalhmuaka, State President chuan, "Mizoram ah hian BJP ah mi nawlpuiin beiseina sang tak an nei a, nimahsela ralkhat atanga min lo thlir thin chauh avangin an beiseina ang Development Mizoram ah kan la hmu thei lo a ni," a ti.

Hmuaka chuan, "Mizoram ah Development beisei mipui tam tak an awm a, kan beisei Development erawh kan duh lo tih kan Vote kan thlak dan ah a lang chiang a, vawiinah chuan kalphung thar hnuaiah beiseina sang tak nei chungin, beiseina erawh kan tisang thei tawhlo tih a chiang hle in a lang tawh a, kan State sawrkar hian thil tha tih an duh tih a chiang a, nimahsela thil tha tih theihna erawh an neilo tih hi mipui hian kan chiang hle in a lang a ni. Sawrkar hmasa anga Kum 5 chhunga thiam taka mipui rilru sukthlek mila chhuanlam siam a hun an hman leh mai pawh a hlauhawm hle a ni," a ti.

Hmuaka chuan, "Mizoram ah chuan Pu Modi-a hi a vakvai hle mai a, MADC ah chiah an lo thleng duh tawh a, Development pawh an dawng zel dawn a ni. Mizoram mipuite kan harh a hun hle mai. Kalphung thar hnuaiah pawh phunchiarna bawk kan hmu leh mek a, Pu Modi vahvaihna hi Mizoram ah hian duh tawk tir tawh ila, kan beisei Development, kan Politician kal tawh leh ni mek te'n a sawi a sawi chauhva min thlen sak thin ang nilo, Development a taka kan hmuh theih nan BJP hi kan behchhan a ngai a ni," a ti bawk.