Model lar leh chhelo berte zinga mi Bella Hadid leh Marc Kalman te hi an in 'date' tih i lo hre tawh em? tun lai chu an hlim dun khawp mai. Zirtawpni khan French Riviera-ah chawlh an hmang dun a, an in 'kiss' lai thlalak te pawh hmuh tur a awm nawk mai. Kum 24 mi Bella Hadid hian a kawppui thar Marc Kalman hi a duh hmel hlerh hlerh hle a, thlalak hrang hrangah hian a nui deuh sang vek a, duhthawh hmel taka Kalman a 'chuk' chu thik tham a ni! 

Marc Kalman hi art director niin, June thla vel atang khan American model Bella Hadid nen hian sawi zawm tan an ni a, tunah chuan an inkar hi thu mai chauh a ni tawh lo tih a chiang chho ta a ni. 

Tun hnai khan France-a hotel pakhat Antibes atang an inzui chhuak hmuh an ni a, French Riviera-ah chawlh an hmang dun tih media hrang hrangah tarlan a ni bawk. 

Kalman hi American rapper leh Kylie Jenner kawppui ni bawk Travis Scott nen an thawkdun thin a, Jenner leh Kardashian chhungkua nen an inhnimhnai viau tihna a nih chu.