Bharat Jodo Yatra laiin Congress MP thi
Congress MP Santokh Singh Chaudhary Inrinni tuka an party-in Punjab-a Bharat Jodo Yatra an kalpui meka a tel laiin heart attack vangin a thi a, kum 76 mi a ni.

Congress MP Santokh Singh Chaudhary Inrinni tuka an party-in Punjab-a Bharat Jodo Yatra an kalpui meka a tel laiin heart attack vangin a thi a, kum 76 mi a ni.
Chaudhary hi Jalandhar bialtu a ni mek a, Punjab-a Phillaur-a kea kawng zawhnaa a tel lai chu a tlu a. Phagwara-a damdawi inah ambulance-a tlanpui nghal ni mah se an chhan thei ta lo a ni.
Kawng zawh huaihawttu leh khaipa, Rahul Gandhi chuan an party hruaitu hlun an dahnaah damdawi inah hian a thleng ve nghal a. Yatra pawh chawlhsan lailawk nghal a ni.
Congress hian Punjab-a kea kawng an zawh hi Nilaini khan Fatehgarh Sahib atangin an tan a ni.
Congress President Mallikarjun Kharge chuan Chaudhary thihna chu ‘an party leh pawl tan chânna nasa tak’ a nih thu a sawi.
“Hun lo taka an MP, Pu Santokh Singh Chaudhary-a’n min kalsan hi a pawiin ka ui tak zet a. A awm lo tur hi party leh pawl tan a uiawm a. A chhungte, a thiante leh amah zuitute ka tawrhpui tak zet,” tiin a tar lang.
Congress hruaitu, Jairam Ramesh pawhin kawng zawh laia lungphu chawla Jalandhar bialtu Congress MP a thih leh a chhungte a tawrhpui thu a tar lang a. “Yatra kalpui dan tur pawh tlema tihdanglam a ngai dawn a, reilo te-ah inhrilh leh a ni ang,” a ti.
Lok Sabha Speaker Om Birla leh Punjab Chief Minister Bhagwant Mann te pawhin an ui thu leh pawi an tih thu an sawi bawk.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023