Aizawl; Vanlalruatkima, Evangelist teacher tuna Synod Mission Board hnuaia Dekiajuli khua a thawk mek chu Zirtawp tlai khan Bible track a sem vangin sawisak a ni. Thudawn danin Evangelist Vanlalruatkima hian nimin piah tlai dar 4 vel khan a thawhna Dekiajuli khua ah hian Bible track a sem a, Mosolman Masjid kal haw te hnena pek a tum chu kut thlakin an sawisa zui ta mai niin an sawi. Hemi hnu hian Assam Police pakhat chuan chhanin a inah hruai haw a, a ka ah leh a hnarah thi chhuakin a zun zawngin thi a chhuak bawk a, Tezpur damdawiin ah enkawl a niin a dinhmun a ngaihtuahawm lutuk lo nia thudawn a ni. He thilthleng vang hian Assam Field Secretary Rev. Hmingmawia leh Evangelist dang te chu Dekiajuli pan hian an kal nghal a. Tezpur damdawiinah admit niin, X-ray an ti nghal a, dinhmun ngaihtuahawm erawh a nilo.