ZALEN June 14, 2024; Pathian lehkhabu thianghlim 'Holy Bible' vawi 42 chhiar chhuak tawh, kum 92 mi chu a lawina Bungkawn Vengthar Kohhranin chawimawina thuziak an hlan.

Bungkawn Vengthar, Aizawla khawsa, K. Lalhmingthanga (92) hi June 9, 2024 khan a lawina, Presbyterian, Bungkawn Vengthar Kohhran chuan chawimawina thuziak an hlan a, tun thlengin Bible vawi 42 a chhiar chhuak tawh a ni.

Mizote zingah Bible chhiar chhuak thahnem tak an awm a rinawm a, chutiang bawkin ziak chhuak pawh an awm nual tawh a rinawm bawk.

Hetihlai hian vawi 42 emaw, a aia tam emaw chhiar chhuak hi mi dang an awm pawhin an tam a rinawm loh.

Hmingthanga hian April 3, 2006-ah a vawi khatna atan Bible a chhiar chhuak a, Pathian zarah chhiar chhunzawm zel a la tum.

ZALEN zawhna chhangin kum 92 mi Hmingthanga chuan Bible a chhiar vangin hlimna te, thlamuanna te leh dam Reina thlengin a neih phah tih a sawi a, "Chhiar châkna ka nei a, nuam ka ti, Pathian zar a dam chuan chhiar zel ka la tum," a ti bawk.