Big Red Machine chuan Taylor Swift thawhpuiin hla thar an tichhuak. An hla thar hi 'Renegade' tih a ni a, July 2, Zirtawpni khan tlangzarh a ni. 

Taylor Swift, Aaron Dessner leh Justin Vernon te hian music video 'official' tak an tichhuak lo em aw tih theih a ni a, i beisei a pha lo a nih pawhin mak ti suh. An music video hi en manhla tak a ni lem lo a, video hmuh nawm tak an chhawpchhuak lo - an hla pawh a ngaithlatu ngaihdan ni rawh se!

Hetih lai hian 'Shake It Off' hitmaker Taylor Swift chuan, "Aaron Dessner ka thawhpui thei hi ka awih lo hial zawk a, a thiamna leh theihan a ropui takzet a ni. Big Red Machine te nena kan thawkho thei hi ka lawm hle," tiin a tarlang. 

'Renegade' hi American band Big Red Machine te studio album pahnihna tur 'How Long Do You Think It’s Gonna Last?' a mi a ni a, an album hi August 27-ah an tlangzarh dawn a ni.