January 20, 2023; Tukin zing dar 6 vel khan Bilkawthlir-ah kuhva ro bag 100 bawr vel nia ngaih chu Bilkhawthlir Kuhva Chingtu Cooperative Society Ltd. duty ten an man a, an hlan thlak hnuah halral nghal a ni.

Bilkhawthlir Kuhva Chingtu Cooperative Society Ltd. hruaitute hnen atanga ZALEN thudawn danin, kuhva te hi truck ke 10 nei, NL 02 Q 1595, hnamdang khalh atanga man niin, a neitu Bagha lama khawsa Zakira nia hriat a ni. Heng kuhva te hi Vairengte lam atanga Bilkhawthlir pan niin, duty ten an rinhlelh avangin an dap a, a chhuat hnuaiah dah a ni.

Bilkhawthlir Kuhva Chingtu Cooperative Society Ltd. hian nikum December atanga kuhva ro tawlh veng a an duty atangin kuhva ro bag 400 dawn an man tawh a, chungte chu a tam zawk halral nghal zel thin a ni.