Barbadian singer Rihanna chu kum 33 a nih meuh chuan mi hausa tawn taw 'billionaire' a ni ve ta reng mai. Tun hnai khan Forbes chuan Rihanna hausakna hi a tarlang a, $tld 1.7 lai a tling. 

Rihanna hi a pianpui hming chu Robyn Fenty a ni a, Saint Michael, Barbados-ah a piang. A zaithiam zia sawi nawn a ngai lo - hemi tluk zet hian sum dawnna lamah pawh a hlawhtling. 

Tunah chuan Fenty Beauty cosmetics line chu a sum lakluhna hnar ber a ni tawh a, a hlut zawng hi $tld 1.4 vel lai a ni. 

Lingerie company Savage x Fenty atanga a sum lakluh ringawt pawh dinchhuahpui tham a tling a, tunah chuan 'Umbrella' singer hi zaithiam hmeichhe zinga hausa ber a ni der tawh. 

Singer, actress, fashion designer leh businesswoman ni bawk Rihanna hian August, 2005 khan a studio album hmasa ber 'Music of the Sun' a tichhuak a, hemi hnu hian album dang pasarih vel a tichhuak leh tawh a ni. Rimawi khawvela chawimawina ngaihhlut ber zinga mi Grammy Award bakah, award dang thahnem tak a dawng tawh a ni. 

Rihanna hi nikum khan Forbes-in a tihchhuah highest-paid celebrity list-ah a pumpuiah 60-na a ni a, Instagram-ah follower maktaduai 103 zet a nei bawk.